စိုးရိမ်ပူပန်မှုတွေ ခံစားနေရပါသလား။ ဒီရိုးရှင်းတဲ့ ယောဂကျင့်စဉ် ၄ ခုက စိတ်ကိုငြိမ်သက်စေပြီး၊ စိတ်ဖိစီးမှုဟော်မုန်းတွေကို လျှော့ချပေးကာ၊ ပြေလျော့မှုကိုဖြစ်စေတဲ့အတွက် နေ့စဉ်ရင်ဆိုင်နေရတဲ့ စိတ်ဖိစီးမှုတွေအတွက် သက်သာရာရစေပါတယ်။
Akshar Yoga Kendraa ရဲ့ တည်ထောင်သူ ဟိမဝန္တာ စီဒ်ဒါ အက်ခ်ျရှာ (Himalayan Siddhaa Akshar) ကတော့ ခေတ်သစ်လူနေမှုဘဝမှာ စိတ်မငြိမ်ဖြစ်ရတာတွေဟာ ဒစ်ဂျစ်တယ်နည်းပညာတွေ အလွန်အကျွံသုံးစွဲတာ၊ လူမှုရေးနဲ့ အလုပ်ဖိအားတွေ၊ အိပ်ရေးပျက်တာ၊ ထိုင်ခုံမှာပဲ အချိန်ကုန်ဆုံးတာ၊ ပြုပြင်ထားတဲ့ အစားအစာတွေစားသုံးတာနဲ့ ခံစားချက်တွေကို ဖိနှိပ်ထားတာတွေကြောင့် ဖြစ်တယ်လို့ ရှင်းပြပါတယ်။ စိတ်ကို သဘာဝအတိုင်း ငြိမ်သက်စေဖို့အတွက် ဒီယောဂကျင့်စဉ်တွေကို ညင်သာစွာ လေ့ကျင့်ဖို့ အကြံပြုထားပါတယ်။
၁။ ဗာလာဆာန (Balasana) - (Extended Baby Pose):
အကျိုးကျေးဇူး - အသက်ရှူနှုန်းကို ပုံမှန်ဖြစ်စေပြီး စိတ်ငြိမ်သက်မှုကို ရရှိစေပါတယ်။
ပြုလုပ်ပုံ - ခြေထောက်ထောက်ပြီး ခြေဖနောင့်ပေါ်ထိုင်ပါ။ အသက်ရှူသွင်းပြီး လက်နှစ်ဖက်ကို ခေါင်းပေါ်မြှောက်ပါ။ အသက်ရှူထုတ်ပြီး နဖူးကို ကြမ်းပြင်ပေါ်မှာထားပါ။ တင်ပါးကို ခြေဖနောင့်ပေါ်မှာထားပြီး ခါးကိုမကွေးပါနဲ့။
၂။ အဒိုမုခီဆွာနာဆာန (Adhomukhisvanasana) - (Downward Facing Dog Pose):
အကျိုးကျေးဇူး - စိုးရိမ်ပူပန်မှုနဲ့ စိတ်ဓာတ်ကျဆင်းမှုကို လျှော့ချပေးပါတယ်။
ပြုလုပ်ပုံ - ပါဒါစသနာ (Padhasthasana) (ဒူးထောက်ပြီး ခေါင်းက ဒူးနဲ့ထိထားပါ) ကနေစတင်ပါ။ ခြေထောက်တွေကို နောက်သို့ရွှေ့ပြီး တင်ပါးကို မြှင့်တင်ကာ ခေါင်းနဲ့တံတောင်ဆစ်တွေကို ဆန့်ထုတ်ပြီး "V" ပုံစံဖြစ်အောင် ပြုလုပ်ပါ။ ခြေဖနောင့်ကို ကြမ်းပြင်ပေါ်သို့ တွန်းချပါ။ မျက်လုံးကို ခြေမကြီးတွေဆီမှာ အာရုံစိုက်ပြီး စက္ကန့် ၅ စက္ကန့်ခန့် ထိန်းထားပါ။ အသက်ရှူထုတ်ပြီးမှ ဤပုံစံသို့ဝင်ရောက်ပြီး အသက်ရှူသွင်းပါ။
၃။ ပါဆ်ချီမိုတာနာဆာန (Paschimottanasna) - ထိုင်လျက် ကိုယ်ကိုကွေးခြင်း (Seated Forward Bend):
အကျိုးကျေးဇူး - စိတ်ဖိစီးမှုများကို လျှော့ချပေးပါတယ်။
ပြုလုပ်ပုံ - ဒါန်ဒါဆာန (Dandasana) (ခြေထောက်ဆန့်၍ထိုင်ပါ) မှစတင်ပါ။ လက်နှစ်ဖက်ကို အပေါ်သို့ဆန့်ထုတ်ပြီး ကျောရိုးကို မတ်မတ်ထားပါ။ အသက်ရှူထုတ်ပြီး ဗိုက်ထဲကလေတွေကို အကုန်ထုတ်ပြီး ကိုယ်ကိုရှေ့သို့ကွေးကာ ခန္ဓာကိုယ်အပေါ်ပိုင်းကို အောက်ပိုင်းသို့ကပ်ပါ။ နှာခေါင်းနဲ့ ဒူးကိုထိအောင်ကြိုးစားပါ။ စက္ကန့် ၅ စက္ကန့်ခန့် ထိန်းထားပါ။
၄။ စစ်ဒိုဟမ် ခရီယာ (Siddhohum Kriya):
အကျိုးကျေးဇူး - စိတ်ကိုစွမ်းအားဖြစ်စေပြီး ခက်ခဲတဲ့အချိန်တွေမှာ ရင်ဆိုင်နိုင်ဖို့ အတွင်းအားကို တည်ဆောက်ပေးပါတယ်။ သင့်ရဲ့စွမ်းဆောင်ရည်ကို ကိုယ်တိုင်သိရှိစေပါတယ်။
နည်းစနစ် -
စာမာစသစ်သီ (Samasthithi): လက်နှစ်ဖက်ကို ဘေးမှာချထားပြီး ခန္ဓာကိုယ်ကို မတ်မတ်ထားပါ။
ပရာနမ် (Pranam): မြင်ရတဲ့၊ မမြင်ရတဲ့စွမ်းအင်အားလုံးကို လေးစားတဲ့အနေနဲ့ ပူဇော်ပါ။ စိတ်တည်ငြိမ်စွာထားပြီး သဘာဝအတိုင်းရှူရှိုက်နေတဲ့ အသက်ရှူနှုန်းကို စောင့်ကြည့်ပါ။
ဆုတောင်းခြင်း (Prayer): လက်နှစ်ဖက်ကို ကောင်းကင်ဘက်သို့ မြှောက်ပြီး သင့်ရဲ့အကြံအစည်တွေကို နားထောင်ပေးဖို့ စကြဝဠာစွမ်းအင်ကို တောင်းဆိုပါ။
လက်ခံခြင်း (Receiving): လက်နှစ်ဖက်ကို ဆန့်ထုတ်ပြီး မျက်လုံးဖွင့်ထားပါ (သို့) ပိတ်ထားပါ။ လက်တွေကို ဆန့်ထုတ်ထားပြီး တည်ငြိမ်စွာနေပါ။
ကျေးဇူးတင်ခြင်း (Gratitude): လက်နှစ်ဖက်ကို ရင်ဘတ်မှာထားပြီး ကျေးဇူးတင်ကြောင်းပြောပါ။ ဒီအနေအထားကနေ စာမာစသစ်သီ(Samasthithi) ရဲ့ ဟန်ချက်ညီတဲ့အနေအထားကို ပြန်သွားပါ။